नव महाराष्ट्र गीत
बदलवून टाकू अपुला महाराष्ट्र सारा,
वर्षवू इथे घामाच्या अहोरात्र धारा !
ह्याच कातळांना आणू
कळा सोनियाची,
ह्याच माळरानी काढू
पिके मोतियांची;
भुकेल्यास भाकर देऊ, अनाथां निवारा
चालवून गिरणी मधला
एक एक साचा
आम्ही पुन्हा हाती घेऊ
हात भविष्याचा !
उद्याच्या यशाने केला आमुचा पुकारा !
आम्हावरी खिळले डोळे
आज स्वप्न बघतो आम्ही
उद्याची दिसाचे
आता कुठे इतिहासाचा समजलो इशारा !
माय कोयनेची माया
बळ आम्हास देई;
गावा गावा गहिवरलेले
तिचे नाम घेई
मराठी धरेला फुटेला विजयांचा धुमारा
घरोघरी स्वातंत्र्याचा
पांडूरंग आला,
महाराष्ट्र भेटीसाठी पुंडलीक झाला,
विटेवर आम्ही ठेवू जागता पहारा !
- सुरेश भट
कोणत्याही टिप्पण्या नाहीत:
टिप्पणी पोस्ट करा