असो तुला देवा माझा

            असो तुला देवा माझा 

असो तुला देवा ! माझा सदा नमस्कार

 तुझ्या दयादातृत्वाला अंत नाही पार ॥धृ॥ 

तुझ्या कृपेने रे होतील फुले फत्तराची

 तुझ्या कृपेने रे होतील मोती मृत्तिकेची

 तुझ्या कृपेने रे होतील सर्प रम्य हार 

असो तुला देवा ! माझा सदा नमस्कार ॥१॥ 

तुझ्या कृपेने होइल उषा त्या निशेची 

तुझ्या कृपेने होइल सुधा त्या विषाची 

तुझ्या कृपेने होइल पंगु सिंधुपार 

असो तुला देवा ! माझा सदा नमस्कार ॥२॥ 

तुझ्या कृपासिंधूमधला बिंदू जरी मिळेल 

तरी प्रभो ! शतजन्मांची मतृषा शमेल 

तुझे म्हणुनी आलो राया ! बघत बघत दार 

असो तुला देवा ! माझा सदा नमस्कार ॥३॥