झेंडा अमुचा
झेंडा अमुचा प्रिय देशाचा, फडकत वरी महान करितो आम्ही प्रणाम याला,
करितो आम्ही प्रणाम ॥ धृ. ॥
लढले गांधी यांच्या करिता, टिळक नेहरू, लढली जनता ।
समर धुरंधर वीर खरोखर, अर्पुनि गेले प्राण ॥१॥
भारत माता अमुची माता, आम्ही गातो या जयगीता ।
हिमालयाच्या उंच शिरावर, फडकत राहो निशाण ॥२॥
या देशाची पवित्र माती, जुळली आमच्या मधली नाती
एक नाद गर्जतो भारता, तुझा आम्हा अभिमान ॥३॥
गगनावरी अन् सागरतीरी, सळसळ करिती लाटालहरी
जय जय भारत जय, जय भारत, जय गाताती जय गान ॥ ४ ॥
वि. म. कुलकर्णी
पोस्ट्स
कोणत्याही टिप्पण्या नाहीत:
टिप्पणी पोस्ट करा